Uber, ibilgailuak gidariekin alokatzeko enpresak, uztailan hasi da Manhattan eta John F. Kennedy aireportuaren bitarteko bidaia egiten helikopteroan. Bidaiaren prezioa 200 eta 225 dolar bitartekoa da. Dena den, eskaeraren arabera, prezioa aldatu daitekeela esan zuen Uberrek.

 

Enpresak “Uber Copter” zerbitzua martxan jarri du Uber Elevate dibisoaren bitartez. Dibisio hau aire-garraio partekatuaren inguruan zerbitzua emateko sortu zen orain dela hiru urte. Uber Copter zerbitzuak ere, kotxe zerbitzu bat eskaintzen du helikopteroaren zerbitzuaren barruan; bezeroaren etxetik heliporturaino.

 

Uberren ustetan, zerbitzu honen onurak bi dira batez ere: bidaia 30 minutura murrizten da, normalean 2 ordu izanik eta bestetik, diruaren aurrezkia.

 

Dubain dagoeneko zerbitzu mota hau ere eskaintzen du enpresak; 12 minutuko hegaldia 142 dolarren truke.

 

Manhattan-en debekatuta dago etxeen zabaltzetan heliportuak jartzea, 1977. urtean izan zen istripu baten ondorioz. Eta orain dela hilabete bat helikoptero-taxi bat ere eraikin baten kontra jo zen lainoa zela eta, eta horren ondorioz, hainbat politikari zerbitzu mota hau benetan beharrezkoa den zalantzan jarri dute. Momentuz, Uber zerbitzua aurrera doa.

 

Informazio-iturria: lavanguardia.com