Sarah Harmon-ek sare profesional garrantzitsuenaren (hots, Lindekin) zuzentzen du Espainian. Harmonek oso ongi ezagutzen du zein egoeratan dagoen Espainiako lan-merkatua eta emakumeek oraindik aurkitu ohi dituzten oztopoak. Duela gutxi horiek nola gaindi daitezkeen adierazi du, jarraian azalduko dizuegun bezala.

 

Sarah Harmonek modu indartsuan defendatzen du pertsona bat bere kargua edo lanpostua baino askoz ere gehiago dela. Horregatik, eta etsenpluaren bidez predikatuz, bere Linkedineko profilean ez du jartzen sare sozial horren zuzendaria dela Espainian, baizik eta 'chief motivator' dela. Motibatzaile nagusia edo horrelako zerbait, zer den eta zer egiten duen definitzeko asmatu duen lanpostua, alegia. Izen ere, bere taldea motibatzen du, eta hori da Espainiako estrategiaren gakoa, non dagoeneko badauden 12 milioi pertsona konektatuta munduko sare profesional handienera (guztira 590 milioi erabiltzaile daude). Eta hori kontuan izanda, berak esaten duen bezalaxe, espainiarrak oso txarrak direla beren burua saltzeko eta sustatzeko garaian. Hain zuzen ere, oztopoak eta hesiak deusezteko eta beldurrak menperatzen irakasteko, 'boxing and coachingeko' saio original bat antolatu zuen 'ring' batean, hogei bat kazetari eta aholkuari zeudela. Bertan, Linkedineko zuzendariak eskularruak ipini eta eskuinkadak ematen hasi zen ezker-eskuin.

 

“Lehenengo, argi izan nora joan nahi duzun, zein konpainiatan lan egin nahiko zenukeen. Agian zaila da jakitea non amesten duzun bost urte barru egotea, merkatua aldatzen delako, baina gutxienez ideia bat izan zer nahi ez duzunaz. Jarrai itzazu pertsonak hango enpresetan eta ikusi zein den bere eta zure esperientziaren aldea. Horrela ideia bat izango duzu zure profila nola eraiki behar duzunari buruz, arrakasta izateko eta zure ibilbidea antolatzeko. Argazki on bat garrantzitsua da, ez nahitaez ohikoa. Eta ipintzen duzun izenburuak ez du zertan zure kargua izan behar; zu hori baino askoz ere gehiago zara. Zure karrera ez da zure CVaren moztu eta itsatsi bat; historia bat kontatu behar du. Eta garrantzitsuena sarean aktiboa izatea da, parte hartzea".

 

Sarah Harmonek dio ez dagoela Linkedineko erabiltzailearen ohiko profil bat. “Espainian adin eta lanbide guztietakoak daude, biltegi-mutiletatik CEOetara. Oso sartze on bat daukagu, batez ere finantzetan eta teknologian. Beren karrera hobe dezatela nahi dugu, arrakastatsuagoak eta emankorragoak izan daitezela. % 25 inguru lana bilatzen ari dira modu aktiboan; beste % 80 'networking' egiten, beren marka pertsonala sortzen... Lehen errezeloak zituzten edukiak argitaratzera, baina jada egiten dute. Orokorrean, espainiarrak ez dira onak beren talentua sustatzen. Nire herrialdean, txikitatik irakasleek publikoan hitz egitea derrigortzen zaituzte klasean. Aukerak aurkitzeko gehiago erakutsi behar zara. Eta profil profesional bat ez baduzu, aukerak galtzen ari zara”, dio Harmonek.

 

Linkedineko Espainiako buruak Jobstacles txostenari buruz hitz egin zuen ere, non adierazten den espainiarren % 70k ez dutela lana bilatzen konforteko zonaldetik ez ateratzearren. “Ekonomia oso azkar doa eta kokatzen zaren unean profesionalki hiltzen hasten zara. Enplegagarria izan nahi baduzu erretiroaren adinera iritsi arte, ikasteko moduan egon behar zara etengabe, gaitasunak hobetzen, gauza berriak egiten... Bi urte badaramatzazu gauza berean, laboralki gainbeheratzen hasi zara. Hori oso europarra da, ez bakarrik espainiarrena. Espainian zapuzten nauen zerbait da hemen enpresa bateko zahartzaroa ikusten dela zor didaten dirua bazala, eta hori ez da egia. Pentsamolde hori aldatu egin behar da”.