NxtWear G-rekin ez gara hari gabeko gailu batez ari; beraz, ez dago Bluetooth edo WiFi belaunaldi zehatzen bezalako eskakizunik. Zure telefono mugikorra 140 hazbeteko pantaila bihurtzea ahalbidetzen duten USB motako konexiodun betaurrekoak dira. Betaurrekoak merkatuan daude salgai dagoeneko, aurtengo uztailetik hain zuzen ere, eta 570 euro inguruko salneurria izango dute.

 

Betaurrekoen aurrean gaudenez ezin dugu pantaila bakar batetaz hitz egin, baizik eta bi. TCL-k FullHD (1080p) bereizmena duten Micro OLED bi panel muntatu ditu NxtWear G berrian, begietatik hain gertu egonda, pantaila diagonal handi bakar baten aurrean esertzearen eragina simulatzen dutenak. Izan ere, TCLtik baieztatzen dute 140 hazbeteko pantaila handia izango dugula begien aurrean mota guztietako edukiez gozatzeko.

 

Aurrean izango dugun pantailaren formatua 16:9 da eta telefono mugikorra, tableta edo ordenagailua (DisplayPort-ekin bateragarria da) konektatu beharko dugu C motako USB atakaren bidez. Horrela, mugikorrak betaurrekoak erabiliko ditu kanpoko pantaila gisa nahi dugun guztia proiektatzeko, nahiz eta, noski, mugikorra kanpoko pantaila mota hauekin bateragarria izatea beharrezkoa izango den.

TCL-ren NxtWear G berriak 130 gramoko pisua dute (kablea barne); beraz, ezin dugu oso osagarri arina dela esan, baina abantaila batzuk izango ditugu, esate baterako, betaurrekoen markoetan estereo bozgorailuak integratuta edukitzea. Hala ere, TCLtik hari gabeko entzungailuak edo zuzenean entzungailuak erabiltzea gomendatzen da. Azken kasu honetan arazoa da betaurrekoek ez dutela entzungailu irteerarik, beraz, gure telefonoak 3,5 mm-ko konektorea izan beharko du USB motaz gain, edo bi ataka bereizten dituen banatzailea beharko dugu.

 

TCL NxtWear G berri hauen ezaugarriak ez dira hor gelditzen, bi dimentsiotako eta hiru dimentsiotako edukia proiektatzeko gai direlako. Beraz, 3D betaurrekoak balira bezala erabil ditzakegu. Lente zuzentzaileak ere jar ditzakegu sudur euskarriez eta babes betaurrekoez gain, behar baditugu. Betaurrekoek 47º-ko ikusmen-angelua eskaintzen dute, bide batez, eta 60Hz-ko freskatze-abiadura.

 

 

Besteak beste, hauek dira TCL NxtWear G-rekin bateragarriak diren telefono modeloak: