Egun MGren jabea den SAIC enpresa txinatarrak MG Cyberster Concept delakoaren irudiak argitaratu berri ditu bere sare sozialetan: bi plazako kirol auto bat da, hurrengo ibilgailu elektrikoa bihurtzeko aukera guztiak dituena.

Oso urrun dirudite Morris Garage enpresak (MG) bi plazako auto nahiko merkeak saltzen igaro zituen egunak. Horien eskutik, fabrikatzaile britainiar horrek ospe eta sinpatia handia lortu zuen auto zaletu askoren artean. Ekonomia - eta merkataritza - mailan gorabehera ugari izan ondoren eta jabetza-aldaketa asko pairatu eta gero, MG zaharra SAIC Motor enpresarena da egun. Eta dirudienez, Txinako konpainia hau prest dago MG bi plazako autoa modelo elektriko gisara berpizteko.

SAIC Designek MG Cyberster Concept delakoaren zirriborroak bere sare sozialetan argitaratu ditu: bi eserlekuko roadster bat izango litzateke, baina, oraindik xehetasun gutxi dakizkigu. Hala ere, dakiguna kontzeptu hori Erresuma Batuko eta Shangaiko (Txina) diseinu-talde ezberdinek elkarrekin batera diseinatu eta garatu dutela eta, beren esanetan "oso zirraragarria" dela.

Irudiek kapota luzatu bat duen roadster bat erakusten digute, sudur zorrotzarekin, lurretik oso gertu dagoena, argi zirkularrekin, LED zerrenda meheekin eta argidun MG logotipoarekin. Atzealdeak beste itxura bat hartzen du, lerro zuzen eta angeluzuzenekin, eta atzeko ingurunea osorik nabarmentzen duten LED argiekin.

Alboko ikuspegian dimentsio nahiko neurridunak dituen auto bat agertzen zaigu, diametro handiko gurpilak, haizetako nahiko makurra (eta normala baino zertxobait txikiagoa) eta atzeko eserlekuen atzean bi konkor. Enpresak zabaldutako teaser-arekin batera datozen irudiek, tximista batzuen birsortzearekin batera, auto elektrikoa izango dela diote.
Oraingoz maila ofizialean eredu berri honen xehetasun gehiago ezagutzen ez diren arren, orain bi urte sortu ziren zurrumurru batzuk gogoratzeko unea iritsi da. Garai hartan, MG biko eserlekuko auto berri bat garatzen ari zela adierazi zen Mazda MX-5arekin (historiako roadster salduena) lehiatzeko.

Zurrumurru horiek plataforma guztiz berri batean eraikitako modelo bat seinalatzen zuten; motor elektrikoa eta gurpileko trakzioa izango zituen. MG Cyberster Concept honi buruzko informazio gehiago jakiterik ezean, badirudi kiroletako MGaren itzulera gertuago dagoela.

Berritzailea

Diseinuak orain arte MG-n ikusitakoarekin hausten du, markaren eredu konbentzionaletan baino askoz ere apustu sofistikatuagoa eta oldarkorragoa eginez. Hala ere, gogoratu MG Cyberster Concept prototipoa dela azken finean. MG Cyberster berria Londresko MG Design Center-en diseinatu da. Aukera kontzientea, diseinu europarragoa emateko eta konpainiaren jatorrizko sustraietatik gertuago egoteko ere.

Diseinua aurrerapen handia bada, barruko teknologia ez da atzean utzi behar. MG-k Cyberster-erako arkitektura elektriko berria garatuko du, markaren arabera 800 kilometroko autonomia edukitzea ahalbidetuko diona, horri buruz xehetasun gehiago iragarri ez dituzten arren. Interesgarria izango da autonomia hori lortzeko erabilitako teknologia egiaztatzea, nekez gerturatu ahal izango baita Tesla Model S 2021-k edo Mercedes EQS-k (biak 800 kilometrotik gertu dauden autonomiarekin eta 100 kWh edo gehiagoko bateriekin) duten baterietara.

Errendimendu dinamikoak goi mailakoa izan nahi du ere, 0-100 km/o hiru segundo baino gutxiagotan, MG-ren arabera. Cyberster-en hedapen teknologikoan ez da ibilgailuan sartutako 5G konektibitatea faltako.