Talentu Azoka

“Azoka hauek eginda, gure helburua da gure hiriko gazteak tokiko enpresek eskaintzen dituzten lan aukera kualifikatuekin lotzea, eta iazko azokak izan zuen arrakasta ikusita, lan aukera berri gehiago eskainiko ditugu”, adierazi zuen Sustapen Ekonomikorako eta Enplegurako zinegotzia den Marisol Garmendiak, Donostiako udaletxean azoka aurkeztu denean.

Urtero, Azokara joan nahi duten gazteek izena eman dezakete Sustapenaren webgunean dagoeneko aktibo dagoen online plataforman. Horrez gain, aukera izango dute azokan parte hartuko duten eta lan egiteko interesa duten enpresekin elkarrizketak hitzartzeko. Plataforma honetan, enpresa parte hartzaileek behar den informazioa jarriko dute: nor diren, zertan aritzen diren eta zer profil bilatzen dituzten. Era berean, lan aukera bakoitzaren baldintzak adieraziko dituzte, interesdunek hautatutako enpresarekin elkarrizketa eskatu ahal izateko.

Talentu Gaztearen II. Azoka honetan, beraien sektorean eredu diren Donostiako enpresek parte hartuko dute. % 50etik gora Informazioaren eta Komunikazioaren Teknologien sektoreari lotutako enpresak dira, besteak beste, STT Systems, Zucchetti, Ibermatica, Countercraft EPL Engineering, Lex Program, Smiley Owl Tech, Peta Optik, Inmersia. Bioosasunaren arloan jarduten duten enpresek ere parte hartu zuten, besteak beste, Vivebiotech, Indicate, Deneb eta Viralgen, baita bestelakoek ere: Caf Power, Caf Digital Services, Kendu, Ceit, Centro Guna, Trivima edo Real Sociedad.

Gehien eskatu ziren profil kualifikatuak, izan Gradukoak izan goi-mailako LHkoak, hauek izan ziren: Informatikako, Telekomunikazioko eta Elektronikako Ingeniaritza Teknikoak, industrialaz, mekanikoaz eta elektrizitatekoaz gain. Hala ere, bestelako profilak ere eskatu ziren, arlo hauetakoak: marketina, merkataritza, enpresen administrazioa, laborategiko pertsonal teknikoa, etab.

Talentuaren Azoka goizez eta arratsaldez izan ohi da. Horrez gain, garapen profesionaleko tailerrak eta hainbat enpresatako hitzaldiak egin ohi dira, eskatzen dituzten profilak eta zerbitzuak azaltzeko.