Euskal Herriko hizkuntz industrien elkartea, Europako Nazionalitateen Batasunarekin (FUEN) elkarlanean. Europa osoko 30 hizlari baino gehiago bildu ziren, tartean Euskal Herritik; eta, besteak beste, 15 hizkuntza gutxituen errealitatea eta egoera ezagutu ahal izan zen.

Hizkuntza gutxituen biziraupenak eta garapenak hizkuntzari lotutako industria indartsu bat sortzen laguntzen du, aberastasun kulturala sortzeaz gain, lurraldea ekonomikoki sendotzen duena.

Biltzarrak euskara bezalako hizkuntza gutxituek tokiko ekonomiari egiten dioten ekarpena nabarmendu nahi du. Era berean, hizkuntza gutxituek teknologia berrietan eta ingurune digitalean duten presentziaren garrantzia nabarmendu nahi du, ahalegin horrek suposatzen duen erronka eta aukeran ere arreta jarriz.

Azken urteotako adimen artifizialaren eztandak ingelesaren hegemonia areagotu egin du esparru digitalean eta beste hizkuntza batzuek, bereziki gutxituek, ahalegin bikoitza egin behar dute eremuan duten presentzia bermatzeko. Horregatik, garrantzitsua da hizkuntza aniztasuna kudeatzea ingurune digitalean eta teknologikoan ere.

Euskadin, eleaniztasuna kudeatu beharrak hizkuntzen industria indartzea ekarri du, eleaniztasun horrek lurraldearen ekonomiari egiten dion ekarpena nabarmenduz.

'Hizkuntzen irabazia' kongresuak teknologia berrietan euskara atzean ez geratzeko egiten den ahalegina erakusten du eta Europako beste hizkuntza gutxitu batzuek zer eta nola egiten duten ikasteko aukera emango digu. Era berean, hizkuntza ezberdinek euren herrialdeetako ekonomiei egiten dieten ekarpena ezagutu eta Europako Batasunak hizkuntzen garapenari buruz duen iritzia ezagutu ahal izango duzu.

 https://hizkuntzenirabazia.eus