Eurostaten arabera, teknologiaren sektorean Espainiako biztanle landunen % 2,4k lan egiten dute. Europako batezbestekoa ordea,    % 3,5 da. Funtsezkoa da arrail hori estaltzea. Arazoa da gazte askok unibertsitatera joatea denbora galtzea dela uste dutela. Izan ere, ia guztia bakarrik ikas dezakete.

 

Horiengan pentsatuz, Telefónica Fundazioak Eskola 42 (Escuela 42) ekarri du Espainiara. Eskola 42 doako formula arrakastatsua da, programazioa ikasteko. Horretarako, beste kide batzuekin partekatzen dena eta hitzaldiak eta tailerrak ematen diren gune batera joan behar da. Esan bezala, metodologia doakoa da, hiru urte eta erdi irauten du, ez dago irakaslerik, ez ordutegirik. Egoitza irailean irekiko da Telefónicako hirian, Las Tablasen (Madril), eta asteko egun guztietan irekita egongo da, orduoro. Bakoitza bere erritmora joango da, araurik gabe.

 

Proektuak etorkizuneko enpleguarekin konektatu nahi du eta aurkeztu berria izan da hiriburuan eta dagoneko izena emateko epea irekita dago. Hori egiteko aski da bere web orrian sartzea, www.42madrid.com. Ideia da hasieran 450 ikasle hezitzen hastea, baina gehienezko ahalmena 900 ikasletakoa da. Duela urte batzuk teknologika askok ez diete curriculumei jaramonik egiten, baizik eta hautagaiei ordenagailuaren aurrean zer egiten dakiten eskatzen diete. Beraz, titulitis-ari agur esateko garaia da. Elkarrizketak dagoeneko ez dituzte giza baliabideek egiten, baizik eta arazo errealak konpontzeko gaitasuna neurtzen dituzten teknikariek.

 

“XXI. mendeko enplegagarritasunak eskatzen du ikasteko eredu berri bat iraultza digital etengabea dela eta”. Hori onartzen du Telefónica lehendakari den José María Álvarez-Palletek heziketa eredu berri hau inportatzeko arrazoia azaltzean. Eskola 42 aukeratu baino lehen beste proiektu batzuk ikusi zituzten unibertsitate eta eskoletan. Presidenteak aitortzen du teknologiak milioika lanpostu desegingo dituela, baina gogoratu zuen ere beste berri asko sortuko dituela. Zifra bat eman zuen ere: 2030ko lanpostuen % 85 ez dira asmatu oraindik, Dell Technologies txostenaren arabera, Institute for the Future-ek (IFTF) zuzendua. 1970 eta 2015 artean, Estatu Batuetan ordenagailuek 3,5 milioi lanpostu desagertuarazi zituzten, baina era berean, 19,3 milioi lanpostu berri sortu zituzten.

 

“Sistema honek hezkuntzaren paradigmarekin hausten du; arautuak ez ditu profil batzuk erakartzen. Hemen ikastera ikasten da”, dio Luis Miguel Olivas fundazioko Heziketa Berrikuntzako zuzendariak. Metodologiak gamifikazioa eta berdinetik berdinera du oinarri. 21 mailatan dago banatua eta programazioaren adar ezberdinetako adarretan dago funtsatua. Lehenengo mailak amankomunak dira ikasle guztientzat eta gero bakoitzak bere pausoak espezialitate bateruntz bideratzen ditu: lengoaia informatiko bat, zibersegurtasuna edo sistemak. “Modu kolaboratiboan lan egiten da, inter pares, arazoak konpontzeko zure kideak behar dituzu eta probak zuzentzen dizkizute… % 100 malgua eta banan-banakoa”, jarraitzen du Olivasek. Pariseko talde pedagogiko batek ikasketako 250 proiektu sortu ditu, eguneratzen dituena etengabe.

 

Parisetik akademia honek beste leku batzuetara jauzi egin zuen. Akademia munduko 10 herrialde baino gehiagotan dago. Lehenengo zentroak 2013an ireki ziren Parisen eta Silicon Valley-n, Estatu Batuetan. Ondoren, ekimena Belgikara, Holandara, Marokora, Hegoafrikara, Moldaviara, Ukrainara, Errusiara eta Finlandiara iritsi zen. Laster, Espainiako zentroarekin batera, Telefónica Fundazioak beste eskola bat irekiko du São Paulon (Brasil). “Ez dugu gurpila berrasmatu nahi, baizik eta beste herrialde batzuetan arrakasta duena ekarri”, azaltzen du Álvarez-Palletek. Madrilgo egoitzak espazio garbiak izango ditu ordenagailuentzat, langelak bileretarako eta entzungela bat 150 pertsonentzat. Baita izango dira ere atsedenerako eta aisialdirako gelak, kafetegi bat eta e-Sports-eko gela bat.

 

 

Informazio gehiago:

www.42madrid.com