Abenduaren 19an, Bizkaiko Zientzia eta Teknologia Parkeak BIC Bizkaiaren 10. urteurrena ospatuko du, Eusko Jaurlaritzak eta Bizkaiko Foru Aldundiak sustatutako bio-mikro-nano teknologietan, fabrikazio aurreratuan eta teknologia garbietan espezializatutako inkubagailua. Beazek kudeatzen du.

Startup-entzat, dagoeneko sendotuta dauden enpresentzat eta pertsona ekintzaileentzat pentsatua, hamar urte hauetan BIC Bizkaia 65 enpresa-proiekturen haurdunaldi eta heldutasun agertoki izan da. Berrikuntza eta ikerketa maila handia duten enpresa berrien inkubaziorako zentroa erreferentzia bihurtu duten proiektuak.

Parkean bertan kokatutako eraikinak 6.000 m2-ko instalazioak ditu –gela garbiak, ekipamendu teknologikoko laborategiak, prototipoak egiteko tailerrak– bai eta erabilera komuneko hainbat espazio ere. Oinarrizko enpresa-proiektu berritzaileak sortzeko eta sendotzeko laguntza-zerbitzuak eskaintzen ditu. Gaikako hitzaldiak, enpresen aurkezpenak eta prestakuntza- eta networking-eko ekitaldiak egiteko ohiko gunea da eta estatuko eta nazioarteko ordezkariek bisitatzen dute aldizka.

Hamargarren urteurrenaren oroitzapen ekitaldiak egindako ibilbidearen balantzea egiteko balioko du. Bertan parte hartuko du Mikel Jauregi Eusko Jaurlaritzako Industria, Energia Trantsizio eta Iraunkortasuneko sailburuak; Ainara Basurko, Ekonomia Sustapeneko foru diputatua; eta BatterieIngenieure South Europe, The Art of Discovery, Ultrasound-Innovation Medtech eta Zenialabs enpresek.