UNIDOk, NBEko organismo industrialak, Basque Industry 4.0 estrategia hautatu du garapen industrialerako jardunbide gomendagarri gisa. Arantxa Tapia sailburuak interesa erakutsi zuen NBEk industriaren eremuan eta enpresa-nazioartekotzean Garapen Jasangarrirako Helburuei begira enpresako jardunbide egokiak zabaltzeko dituen mekanismoen inguruan uztailean egindako bidai batean.

 

UNIDO - Nazio Batuen Erakundearen industria-garapeneko erakunde espezializatua azterlan bat prestatzen ari da Basque Industry 4.0 estrategiaren inguruan, NBEko herrialde kideei bidaltzen dien erreferentziazko bi urtean behingo txostenean sartzeko.

 

UNIDOko ordezkaritza bat zenbait aldiz bidaiatu da Euskadira, azterlan horri heltzeko eta joan den uztailak 18an, Arantxa Tapia Ekonomiaren Garapeneko eta Azpiegituretako sailburuak bisita egin zuen Vienan dagoen egoitzan.

 

Topaketa horretan, bi erakundeetako ordezkariek testuinguru globalarekin zerikusia duten industria-garapenaren beraren kontuak aztertu zituzten, bai eta enpresek 2030 Agendaren Garapen Jasangarrirako Helburuen sustapenean izan beharreko inplikazioa ere.

 

UNIDOren 2020ko txostenak manufaktura-ekoizpenaren etorkizuna eta teknologia berriak herrialde garatuenen industrializazio-prozesuan izaten ari diren teknologia berrien inpaktua aztertuko ditu. Zehazki, 4.0 industriari lotutako teknologietan zentratuko da, besteak beste: robotika, inteligentzia artifiziala eta Big Data.

 

Txosteneko kapitulu bat Euskadin zentratuko da; izan ere, NBErako intereseko estrategia bat duela uste du, eta eredugarri izan daitekeela beste herrialde batzuetan ezartzeko. Lankidetza publiko-pribatuak, BI 4.0ren zehaztapenaren oinarriak, interes berezia eragin du Nazio Batuen ikertzaileen artean.

 

Iñigo Urkullu Lehendakariak azkenaldian New Yorken izan zuen topaketarekin bat etorriz, Tapia sailburua industriari eta enpresa-nazioartekotzeari buruzko 2030 Agendako helburuetan zentratu zen.

Tapia sailburuak eta Alex Arriola SPRI taldeko zuzendari nagusiak interesa erakutsi zuten NBEk GJHen betearazpena bizkortu dezaketen enpresa-neurriak zabaltzeko gomendatutako mekanismo eta protokoloen gainean, bai eta helburu horietara lotutako adierazleak neurtzeko mekanismoaren gainean ere.

 

Teknologiarekin, azpiegiturekin, ekoizpenarekin eta industria-enpleguarekin toki- eta nazioarte-merkatuan lotura duten alderdien betearazpena eta neurketa.

2019ko martxoan, Mundu Itunak eta Eusko Jaurlaritzak, CEBEK, SEA eta ADEGI hiru euskal enpresa-elkarteekin batera, lankidetza-akordioa sinatu zuten, 2030 Agenda sustatzeko, industria-egitura enpresa-emaitzak lortzeko prestatzeko, jasangarritasunaren ikuspegitik.

 

Erakunde-agenda amaitzeko, bisita egin zen Kapsch TrafficCom enpresara, Advantage Austria enpresa-sozietatearen eskutik.

 

Kapsch TrafficComek garraiobiderako sistema adimendunen merkaturako zerbitzuak eskaintzen ditu, eta Euskadin duen inbertsioa I+Gko zentro bat da, Bilboko Iberdrola dorrean.Advantage Austria sozietateak harreman sendoa du Spri taldearekin, eta bere enpresei zerbitzuak ematen dizkie, inportatzaileak, banatzaileak eta merkataritza-ordezkariak bilatzeko.