Abenduaren 7tik 10era, Bilboko BEC (Bilbao Exhibition Centre) VII. Fun & Serious jaialdiaren epizentroa izan zen, Europa mailan bideo-jokoei eskainitako jaialdirik garrantzitsuena. Egun horietan, bertan egin zuten topo sortzaile handiek, garatzaileek, gidoilariek, ekoizleek, indie eszenako abenturazale txikiek, inbertsoreek eta enpresa multinazional eta lokalek. Esan beharra dago hitzordu horrek bideo-jokoen alde artistikoa, antropologikoa, kulturala eta negoziokoa jorratzen dituela nagusiki, baina, jakina, entretenimendu digitala ahaztu gabe.

 

Lau jardunaldietan, hitzaldiak, laborategiak, negozio-bilerak, demoak eta adituekin eginiko topaketak antolatu ziren. Lehen aldia zen jaialdi hori BECen egiten zena. Izan ere, toki aldaketak honek aukera ematen zuen bere oihartzuna areagotzeko, bisitari gehiagori erakartzeko eta bere moldakortasuna handitzeko. Dena den, F&S jaialdia Guggenheim Museoan amaitu zen, Titanium Sari ospetsuen banaketarekin.

 

Jaialdiaren inpaktua dagoeneko finkatua geratu da. Mundu osotik etorritako 25.000 pertsona izan ziren han, jaialdiak antolatutako ekitaldi ezberdinetan banatuta. Parte-hartze enpresariala ere oso ona izan zen, 100 firma parte-hartzaile, lankide edo babesleekin, horietako % 25 atzerritik zetozela.

 

Bideo-jokoaren inguruko giza-ekosistema eta instituzional osoa bildu zen jaialdian, jokalarietatik hasita talentu historikoetara, kirol elektronikoko lehiaketa sustatzaileak, influencerrak, enpresariak eta abar luze bat ahaztu gabe. Guzti horren helburua bideo-jokoari nabarmentasun informatibo, kultural eta ekonomikoa ematea da, industriak merezi duena.

 

Nazioarteko bideo-jokoaren hiru talentu handiek jaso zituzten aurtengo Titanium Sariak Guggenheim Museoan. Pinakoteka bilbotarrak hartu zuen festa hau. Hauek izan ziren sarituak: Fumito Ueda intimista eta preziosista, besteak beste The Last Guardian eta Shadow of the Colossus-en sortzailea; Jade Raymond, bere ibilbide emankorrean, ardatz diren Sony, Ubisoft eta Electronic Arts enpresetatik aritu dena, frankizia arrakastatsu batzuk ekoiztu dituena, Hala nola Assassin's Creed, Watch Dogs edo Splinter Cell: Blacklist, Tom Clancyrena; eta Brenda Romero, azkenaldian Legenda bezala saritua izan den emakume bat, azken lau hamarkadetan 47 izenburutan lagundu duena, batzuk oso garrantzitsuak rol generoaren definiziorako, Wizaldry bezala.

 

Urtero bezala, nazioarteko epai-mahai batek nazioarteko obra onenak aitortu zituen, finkatuak eta independenteak, eta ohorezko Titaniumak eman zizkien munduko eszenatokiko talentuei, baita FSPlay-ak eta Euskal Joko Onena obra independenteei. Amaitzeko, esan aurten saritua den hiruko erraldoia (Ueda, Romero eta Raymond) titan historiko eztabaidaezin batzuetara batzen dela: Yuji Naka (Sonic-en sortzailea), Alexey Pajitnov (Tetris), Peter Molyneux (Trial), Tim Schafer (Monkey Island), John Romero (Doom, Wolfenstein-en sortzailea), Jordan Mechner (Prince of Persia) eta Jeff Kaplan (World of Warcraft, Overwatch…).

 

www.funandseriousgamefestival.com