AenaMaps' merkaturatu dute. Aireportuetan zehar Google Maps estiloan gidatzeko plataforma bat da. Aenak berak eta Telefónicak garatutako tresna honen bidez, bidaiariek aireportuko bidaia osoa ikusi ahal izango dute, ostalaritzako puntu garrantzitsuenak, dendak, komunak edo segurtasun-kontrolak barne.

Aena-k, Telefónica-rekin elkarlanean, 'AenaMaps' abiarazi du, "bidaiariaren etapa guztietan" (planifikaziotik hegaldira arte) bidaiariek lagun izango duten mapa bidezko gida-tresna: "arreta berezia" eskainiz aireportuan egin ohi den egonaldiari.

Tresnak zauden lekua erakutsiko dizu eta mapan bilatu eta mugitzeko aukera emango dizu, aireportuko puntu zehatz batera gidatuko zaitu eta bidaiaren denbora kalkulatuko du -ontziratzeko ateraino daoen distantzia, adibidez-. Era berean, instalazioen zerbitzu eta puntu guztiak erakusten ditu une oro, hala nola hegazkineratzeko ateak, dendak, jatetxeak edo komunak.

Zerbitzu honetara Aena aplikazioaren bidez sar daiteke, Android eta iOS sistemetarako erabilgarri, eta mapak eta ibilbide desberdinak aireportuko kudeatzailearen webgune korporatiboan ere kontsulta daitezke, aireportuko jatorria eta helmuga aukeratuta.

Irisgarria

Irisgarriagoa izan dadin, 'AenaMaps'-ek hautatutako ibilbideak ikusiz eta ahots bidez adieraziko ditu. Horrez gain, Telefónicaren prentsa ohar batean diote tresnak "eboluzionatuko" duela "mugikortasun murriztua duten bidaiariei" zerbitzua eskaintzeko, "irisgarritasun beharrak" asetzeko.

Geroago, plataformak beste informazio erabilgarria emango die erabiltzaileei, esate baterako, denbora errealean segurtasun iragazkietan igarotako denbora.

Agiriaren arabera, etorkizunean aplikazioa "aireportutik kanpoko kokapeneko beste tresna batzuekin" integratuko da, edozein iturritatik ibilbide osoa lortzeko.

"Zerbitzua lehen fasean egongo da eskuragarri Adolfo Suárez Madril-Barajas aireportuan, sareko beste aireportu batzuetan progresiboki ezartzeko", jakinarazi du telekomunikazio operadoreak.
Aplikazioaren garapenean, Aenak adierazi du, Telefónicaz gain, CARTO DB -lokalizazio adimen plataforma- eta Situm Indoor Positioning -barruko kokapenean eta nabigazioan espezializatuta- enpresen lankidetza izan dutela.

Lehenengoak parte hartu du “Aena aireportuko mapa/ planen aberastasun kartografikoan, ibilbideen garapenean eta, oro har, irtenbide osoaren logikan eta koordinazioan; eta bigarrenak, berriz, aireportuetako elementu teknologikoak eta geografikoa eskaini ditu”, azaldu du prentsa oharrak.

Aena

Aena, SME S. A. (IBEX: AENA) Espainiako interes orokorreko aireportuak kudeatzen dituen Espainiako enpresa publikoa da. ENAIRE enpresa entitate publikoak konpainiaren % 51 du eta 46 aireportu eta 2 heliportu ditu Espainian. "Aena Internacional" filialaren bidez parte hartzen du Europako eta Amerikako 15 aireporturen kudeaketan, munduko lehen aireportu operadore bihurtzen duena bidaiari kopuruaren arabera.

Aenak nazioarteko kudeaketan eredu arrakastatsua sinbolizatzen du eta Latinoamerikan proiekzio bikaina due. Azken mugarria Brasilgo ipar-ekialdeko aireportu taldeak 2019an emandako emakida da, sei aireportuk osatua.

2010eko abenduan, 13/2010 Errege Lege Dekretuaren arabera, Aena Aeropuertos, S.A. sortu zen. 2014ko uztailean Aena, S.A. izena hartu zuen, 2017ko apirilean S.M.E. laburdura gehituz, estatuko merkataritza enpresa gisako egoeran.

Ministroen Kontseiluak 2014ko uztailaren 4an onartu zuen aireportuak arautzeko eta gainbegiratzeko esparru berria, zerbitzuaren kalitatea eta Aena sare osoaren mantentzea bermatzeko, baita sektorearen garapen ekonomikoa eta lehiakortasuna bultzatzeko ere, tasak izoztuz 2025era arte.
2015eko otsailaren 11tik Aena Burtsan kotizatzen da.