Euskal Autonomia Erkidegoko Batxilergoko 12.073 ikaslek eta Lanbide Heziketako goi-mailako heziketa-ziklo bat egin zuten 849k Unibertsitatera Sartzeko Ebaluazioa (USE) hasi zuten ekainaren 5ean, asteazkena, Euskal Herriko Unibertsitatean. Guztizkoa, 13.433, iazkoa baino % 0,2 handiagoa izan zen, orduan 13.401 matrikulatu baitziren USE egiteko. Nabarmentzekoa da LHko ikasleek izandako igoera, 815tik 849ra pasatu baitziren; eta, hau da, % 4 gehiago izan ziren.

USE egin zuten Batxilergoko eta LHko ikasle horiek campuska banatzen baditugu, 1.762k egin zuten Arabako Campusean, 6.291k Bizkaikoan eta 4.786k Gipuzkoakoan; beste 83 ikasle ez zeuden campus batera atxikita. Hizkuntzari dagokionez, batxilergoko ikasleen % 77.21ek (9.322 ikaslek) euskaraz egin zuten proba, eta % 22.79k (2.751k) gaztelaniaz. Lanbide Heziketako goi-mailako heziketa-ziklo bat egin zuten ikasleei dagokienez, % 55.48k (471k) euskaraz egin zuten proba, eta % 44.52k (378k) gaztelaniaz.

Azkenik, Unibertsitatera Sartzeko Ebaluaziora aurkeztu ziren ikasleen % 57.84 (7.474) emakumeak ziren eta % 42.16 (5.448)  gizonak. 12.922 pertsona horiei aurreko ikasturteetako 511 ikasle gehitu behar zaizkie, nota igotzeko irakasgai espezifikoetara aurkezten zirenak.

Premia bereziak zituzten Ikasleak

Euskal Autonomia Erkidegoko ikastetxeetako hezkuntza-premia bereziak zituzten 703 ikaslek egokitzapenak behar zituzten Unibertsitatera Sartzeko Ebaluazio-proba egiteko. Aurreko urteko ikasle kopuruari dagokionez (598), ikasturte honetan eskaerak % 17.6 gehitu ziren.

USE proba egiteko egokitzapenak indarrean dagoen araudiak aitortutako eskubidea dira, eta neurri horrek bermatzen du ikasle guztiek dutela proba egiteko aukera berdintasuna.

Sarbide probetako egokitzapen guztiak UPV/EHUko Desgaitasunak dituzten Pertsonentzako Zerbitzuak kudeatzen ditu ezarrita dagoen prozedurari jarraituz.

Probak eta emaitzak

Ohi denez, USE hiru egunetan egingo da, asteazkenetik, ekainak 5, ostiralera arte, hilak 7. Azterketei dagokienez, pandemian sortutako egitura malgua mantendu da. Azterketei dagokienez, pandemian nagusitu zen egitura malgua mantentzen da. Edizio honetako berritasun bakarrak honako hauek dira: Hezkuntzaren Lege Organikoa (LOMLOE) aplikatuz, aurten ikasleek Espainiako Historiako azterketa edo Filosofiaren Historiako azterketa egitea aukeratu ahal izango dute, eta, gainera, hautazko eta modalitateko irakasgaien kopurua 30 ikasgaira igo da, eta horrek epaimahai bat gehiago eratzea ekarri du.

Proben emaitzak ekainaren 13an, 12:00etan, argitaratuko dira.