Lanbidek Merkalan enplegu eta formakuntza azoka antolatu du, non Euskadiko enpresen eta enplegu-eskatzaileen premiak bilduko diren. Ekitaldia urriaren 21ean eta 22an, astelehen eta asteartean egindo da, Kursaal Elkargunean. Ordutegia 9:00etatik 17:30era izango da, sarrera librea eta doakoa izango delarik. Laneko elkarrizketak egiteko, ordea, hitzordua eskatu beharko da aldez aurretik.

Azoka honako hauei zuzenduta dago: alde batetik, enpresei, Euskadiko 100 enpresa baino gehiagok ordezkaritza zuzena eta/edo zeharkakoa izango dutelarik ekitaldian; beste alde batetik, pertsonei, azokan hainbat profiletako 700 lanpostu baino gehiago eskainiko baitira eta elkarrizketa profesionalak egingo baitira eta.

 

Enpresen eta erakundeen stand propioak izango dira Kursaalean zehar. Horrela, enpresa parte-hartzaileeik euren proiektua ezagutarazi ahal izango dute langile egokiak bilatu ahal izateko.

Enplegu-eskatzaileek lana aurkitzeko aukera paregabea izango dute ere: bertaratuko diren enpresek eskaintzen dituzten lanpostuetan aurkeztu ahal izango dute, nazioarteko enplegua EURESen bidez ezagutu ahal izanik eta enplegu publikoaren deialdien berri izateko aukera izanda.

Horretaz aparte, lan-eskaintzak Lanbiden nola kudeatu daitezkeen erakutsiko da: Laguntza-lerro ezberdinak, Gazteen Itzulera, Lehen Aukera, Kontrataziorako Laguntzak... Langileen formakuntzarako programei eta laguntzei buruzko informazioa zabalduko da (HOBETUZ).

 

Aiputatako guztiaz gain, beste espazio batzuk aurkitu ahal izango dira. Lehenik eta behin, Informazio-puntu teknikoa: Informazio teknikorako espazio nagusia, Lanbideren langileen eskutik, informazio puntuala behar duten edo arlo batera edo bestera zuzendu nahi duten pertsona guztientzat, beren premien arabera.

Eta bigarrenik, Erabilera anitzeko eremua (workshopak): Mini solasaldiak, enpresa-proiektuen erakustaldiak, konferentziak, esperientzien aurkezpenak, etab.