“Her” pelikulan ikusi ahal izan zenez, harreman zibernetiko bat izatea ez zegoen errealitatetik hain urrun. Bada garai hori iritsi da; izan ere, badago eskuragai mutil-lagun edo neska-lagun bat izan ahal izateko aplikazio bat.

Invisibleboyfriend.com (mutil-lagun ikusezina) eta Invisiblegirlfriend.com-en (neska-lagun ikusezina) bitartez, mezuak bidaliko dizkizun eta argazkietan zurekin aterako den pertsona berezi bat izan dezakezu.

Matthew Homann eta Kyle Tabor dira zerbitzu berri honen sortzaileak. Norberaren ametsetako mutil edo neskarekin harreman faltsu bat izateko aukera eskaintzen du aplikazioak. Erabiltzaileak berak Appean-an garatutako bikotekide ideal berri horrek, horrenbestez, 100 testu--mezu bidaliko ditu. 10 ahozko ohar baita eta idatzizko ohar bat ere.

Erabiltzailearen gustura

Eta nola erabili aplikazio berria? Lehenik eta behin, izen eta adin bat eman behar zaie mutil-lagun edo neska-lagun horiei. Ondoren, irudi-banku batetik zure ametsetako mutil edo neskara gehien hurbiltzen den argazki bat aukeratu behar da, eta hori egin eta gero, bere nortasuna ematera iri-tsiko zara, zuk nahiago dituzun interesekin.

Horrela, zure bikotekidearen aldetik jaso nahi dituzun arreta guztiak izango dituzu benetako harreman batek sortzen dituen zailtasun eta denbora-kontsumorik gabe.

Hori guztia gutxi balitz, orrialdera selfieak igo ditzakezu beste erabiltzaile batzuk zu zeu bikotekide bezala erabil zaitzaten.

Aplikazioa oraindik beta bertsioan dago eta doakoa ez izan arren, euro batzuen truke izeba edo amona horren kezka lasai dezakezu bikotekide bat al duzun galdetzerako orduan.

Arrakasta EEBBetan

Aplikazio berri honen arrakasta itzela da egun Estatu Batuetan. Milaka bikotekide zibernetiko daude une honetan. Tarifa honakoa da: 100 mezu 10 euroren truke, gutxi gora behera. Bestalde, Premium Paketea, hau da, ahozko oharrak eta idatzizko oharrak, 20 euro.

Presio sozialaren biktima bat al zara? 30etako krisian al zaude? Aspertu al zara familia-elkartze guztietan mutil edo neska-lagun bat noiz izango duzun galdetua izateaz? Bada Invisible Boyfriend edo Invisible Girlfriend izan daitezke zure arazo horren irtenbideak. Hori guztia hilean 25 euroren truke. Izena ematera ausartuko al zara?