Euskadiko bi taldek, Kataluniako bik eta Zaragozako batek GAME.EUS bideojokoen azeleragailu-campusean parte hartu zuten. Campusa uztailaren 1etik abuztuaren 1era bitartean ospatu zen Gasteizen. Bosgarren edizio honetako programa intentsiboak F2P Campusaren lau urteko esperientziari eman zion amaiera, tokiko talentua sortu eta atxikitzeko asmoarekin. Egitasmoak Araban eta Euskadin bideojokoen sektorea bultzatzea zuen xede.

Planteamendu berri honen bitartez, GAME.EUS plataformak parte-hartzaileen artean garatu beharreko negozio-eredua zabaltzen du, proiektuen euskal jatorria lehenetsiz. Aurkeztutako 13 hautagaitzetatik bi euskal sortzaileek landutakoak ziren, bata Gasteizkoa eta bestea Bilbokoa. Gainerako taldeak, aldiz, Kataluniako eta Zaragozako garatzaileenak ziren.

Árabako Foru Áldundiak eta Eusko Jaurlaritzak bultzatutako egitasmo honek, EUNEIZ Fundazioaren zuzendaritzapean, Euskadi talentu-sortzaile eta bideojokoaren industriaren bultzatzaile gisa kokatzeko ahaleginak areagotzen ditu ikuspegi berri horrekin. Saray Zarate Árabako Foru Áldundiko Ekonomia Garapen eta Berrikuntza diputatuak, Ándoni Iturbe Eusko Jaurlaritzako Kultura sailburuordeak, Jordi Roche EUNEIZ Unibertsitateko presidenteak eta David Darne s GÁME.EUSeko zuzendari exekutiboak ongi etorria eman zieten aurten campusa osatzen duten bost taldeei. BIC Árabak koordinatzen zuen proiektua, Gasteizko Udalaren eta EUNEIZ Unibertsitatearen babes osoa duelarik. Testuinguru horretan Unibertsitatearen egoitza Campusaren kokaleku izango da hirugarren urte kontsekutiboz.

Saray Zarate Aldundiko Ekonomia Garapen eta Iraunkortasuneko diputatuak ziurtatu zuenez, “Arabako Foru Aldundiak bideojokoaren sektorearen alde egindako apustu sendoaren isla da campus hau, hedapen argian eta lurralde gisa ditugun balioekin oso bat datorrena: berrikuntza, talentua eta sormena, alegia”.

Bestalde, Andoni Iturbe Kultura sailburuordeak Eusko Jaurlaritzak talentu sortzailea sustatzeko eta garapen pertsonalerako, komunitariorako eta lurralde-garapenerako aukera-espazio berriak sortzeko konpromiso irmoa duela baieztatu zuen. Era berean, bideojokoaren sektoreak komunikazio modu berrietan duen garrantzia azpimarratu zuen, batez ere gazteenen artean, eta horrek “balio erantsi handiko edukiekin lan egiteko aukera ematen du, balioetan ere hazten lagunduko digutenak”, gaineratu zuen. Azkenik, sailburuordeak bereziki azpimarratu zuen erakundeen arteko lankidetzaren eta akordioaren garrantzia, abangoardian jarriko gaituzten erreferentzia-espazioak eta ezagutza berriak sortzeko.

EUNEIZ Unibertsitatetik, Jordi Rochek Teknologia Berrien, Kirolaren eta Osasunaren Unibertsitatearen konpromisoa nabarmendu du. Aurten, EUNEIZ Fundazioaren bitartez, programa intentsibo horren zuzendaritza bere gain hartu du, ezagutza eta esperientzia profesionala partekatzeko helburuarekin, Euskadin bideojokoaren ekosistema sendotzeko asmoz. Bere esanetan: “Gorabidean dagoen sektorea da, eta ibilbide garrantzitsua izan dezake lurralde honetan, Katalunian bezala, enpleguari eta hazkunde ekonomikoari dagokienez”. Era berean, Rochek gaineratu du campus honek aukera ematen duela sormen-tresnak eta ezagutzak dituzten taldeei jauzi kualitatiboa emateko, baina profesionalizazio-plus hori behar dute sektore honetan arrakastaz moldatzeko. Testuinguru horretan gogora ekarri zuen Unibertsitateak talentua sortzen ere laguntzen duela, bideojokoetako bi titulazio eskaintzen baititu gaur egun, Bideojokoetako Árteko Gradua eta Bideojokoen Diseinu eta Garapeneko Gradua. Hala, gradu hauexek atea irekitzen diete artista, diseinatzaile edo bideojokoen programatzaile profilei. Rochek dioenez, “Industriako etorkizuneko profesionalen anezka izan nahi dugu, eta daudenak sendotu”. Campus hau formula ezinhobea da prestakuntza lan-merkatuarekin edo ekintzailetzarekin lotzeko eta berme onenekin egiteko.

Mahaigaineratu egin behar da bideojokoen sektoreak beste kultur eta sormen-industria batzuek baino hazkunde-aurreikuspen nabarmenagoak aurkezten dituela. Bideojokoen Espainiako Garapenaren 2022ko Liburu Zuriaren arabera, sektoreak aurten 1.897 milioi euro fakturatzea aurreikusten du, eta zifra hori 2025ean 2.239 miloira ailegatzea espero da. Enpleguari dagokionez, aldiz, 1.098 lanpostu zuzen sortuko dituela estimatzen da. 2022an Estatuan bideojokoei buruz egindako 760 azterlanetatik % 4 baino ez dira Euskadin kokatzen.

David Darne s GAME.EUS-eko zuzendari exekutiboak dioenez, programa honek Gamescom azokan parte-hartzeko bideojoko aurreratu bat duten Euskadiko garatzaile-taldeak prestatzea du xede nagusitzat. Gamescom sektoreko azokarik handiena eta garrantzitsuena da Europan. F2P Campusaren aurrean, GAME.EUS edozein plataforma eta negozio-eredura irekitzen da (mobile, PC/Kontsola, Free-to-Play, Premium…), ekipoentzako aukerak zabalduz eta bideojokoen sektorearen benetako funtzionamendura hurbilduz.

Campus hau indie garatzaile talde txikiei laguntzeko beharretik sortu da, bideojokoaren industria sendotzeko estrategia gisa. Helburua, beraz, tamaina txikiko talde horien profesionalizazioa sustatzea da, finantzaketa handiagoa lortu, hazi eta enplegua sor dezaten. Prestakuntzaren eta mentorien bidez, negozio-mentalitate bat irakatsiko zaie taldeei, enpresa alderdietara bideratuz, hala nola, Bussines Plan bat egitea, komunikazio-trebetasunak hobetzea edo marketin edo salmenta-estrategiak aplikatzea. Campusean, editoreekin (publishers) ere bilerak egingo dira, argitalpen eta inbertsio-akordioak negoziatzeko, beren enpresak legalki ezartzeko eta sektorearen garapenean laguntzeko.