Zer da Ikaslan?

Ikaslan Euskal Herriko Lanbide Heziketako zentro publikoen elkartea da, eta Ikaslan Bizkaiaren kasuan, 28 zentrok osatzen dute. 2021ean gure zentroen eta gure inguruko enpresen arteko elkarlana sustatzeko 25 urteko lana ospatzen dugu, eta azken urteotan gure ardatzetako bat Europako LHko beste erakunde batzuekin nazioarteko proiektuak sustatzea izan da. Horrez gain, herritarrei eta gure ikasleei zerbitzuak eskaintzen dizkiegu, IkasEnplegu lan poltsa edo IkasGida orientazio zerbitzua kasu, eta etengabe garatzen ari gara prestakuntza-eskaintza eta LH aukerak AMPASen, ikasle potentzialen eta bizitzan zehar hezitzea bilatzen duten pertsonen eskura jartzeko ekimenak. 

Zein izango da LHren etorkizuna?

LHren etorkizuna Duala da, hori da lehen gauza. Eta ez gara epe luzerako helburu batez ari. Lehen esan dudan moduan, Eusko Jaurlaritzak 2026. urtea jarri du helburutzat modalitate honetan LH guztia egiteko, eta dagoeneko frogatu du laneratze datu oso altuak dituela, % 60tik gorakoa. Era berean, etorkizuneko LH-a malguagoa izango da eta prestakuntza-ibilbide pertsonalizatuak sortzea ahalbidetuko du, eta arlo guztietan, STEAM barne, emakumezkoen talentua erakarriko duen prestakuntza izango da. Bilakaera horri etengabeko aurrerapen teknologikoarekin batera, batez ere Adimen Artifizialaren eta Energia Berriztagarrien alorretan, eta LH sistema egungo enpresa-beharretara egokitzea, ikasleen enplegagarritasuna are handiagoa izan liteke.

Nola bultzatuko zenituzke gazteak Lanbide Heziketa ikastera?

Esango nieke LHn euren bokazioari, lan-itxaropenei edo prestakuntza-ibilbideari egokitzen zaion bidea aurkituko dutela, eta oraintxe bertan enpresek esaten digutena da profil teknikoak eta goi mailako teknikariak behar dituztela. Eta laneratzetik haratago, prestakuntza honek eskaintzen duen malgutasuna nabarmenduko nuke, bide hau aukeratzeak ez baitio aterik ixten unibertsitateari, eta ikasketak bateratzea beharrezkoa den egoeretara egokitutako Lanbide Heziketa bat hartzeko bideak daudelako, partziala adibide, eskaintza edo urrutiko prestakuntza. LH guztientzako da.