Jon Ander Merodio, Yaiza Barandiarán, Aroa Ugarte, Clara Abades eta Yago de la Rica Mondragon Unibertsitateak bere Nazioarteko adarrean ematen duen LEINN, Lidergo Ekintzailea eta Berrikuntza Graduko bost ikasle dira. Bost gazte hauek MyWay Heels proiektua jarri dute abian, eta laster takoi trukagarriak dituzten oinetakoak merkatura ateratzeko asmoa dute, erabiltzaileen lesioak saihesteko. Modu horretan, zapata bi altueratan erabil daiteke. Proiektu horri eta askoz gehiagori buruz MyWay Heels-eko Inbertsio eta Bideragarritasun Arduraduna Jon Ander Merodiok hitz egingo digu elkarrizketa honetan.

Zer da MyWay Heels?

Guk beti esaten dugu publikoarentzat takoi trukagarriak garela, baina hori baino gehiago gara. Ekintzailetasun sentimendua sustatu nahi dugun marka bat gara, batez ere gazteengan, eta horretarako, gure produktu propioa sortuz beste batzuentzat eredu izan nahi izateaz gain, beste ekintzaileei laguntzen diegu, bertakoei bereziki, beraien markekin, ekitaldien, elkarlanen eta abarren bidez.

Nola bururatu zitzaizuen ideia?

Ideia hau arazo batetik dator. Hiru neska ditugu taldean, eta haietako bik zauriak izan zituzten gauez takoi altuak janzteagatik. Gaiari buruzko ikerketa batzuk eginez, konturatu ginen munduko 100 milioi emakumek baino gehiagok zauriak, ondoeza edo osasun arazoak jasaten dituztela takoiak eramateagatik. Hortik abiatuta, irtenbide posible bat bilatzen hasi ginen, hau aurkitu genuen, podologo batek azterketa bat egin zituen eta osasun kontuetan bideragarria dela erakutsi zuen, eta hori da guk konpontzen dugun arazoa.

Nola ezagutu zineten?

Mondragon Unibertsitatean Lidergo Ekintzailea eta Berrikuntzako Gradua hasi genuen eta Nazioarteko gradua egiten dugu, besteek ez bezala, urtean bizpahiru aldiz bidaiatu beharrean, urtero leku ezberdin batean eta nazioarteko jendearekin egiten da. Taldean txinatarrak, korearrak, vietnamdarrak, belgikarrak, kolonbiarrak edo bizkaitarrak izan ditugu, eta horri esker ezagutzen dugu elkar. 2019ko irailean hasi ginen denok Txinan eta elkarrekin hazten jarraitu dugu.

Gaur egun, graduko azken urtean gaude, eta horri esker, proiektuan guztiz zentratu gaitezke, MyWay Heels-en, eta tutoretza-laguntzekin, espazio batekin eta guzti, baina proiektuan zentratuta. Startup Processes deitzen diote.

MyWay Heels karrera proiektu batetik haratago doa, batez ere karrerak duen profilagatik. Ez da besteak bezalako karrera bat, non ikasi eta azterketak egiten diren, eta horrek unibertsitate proiektu bat errealitate bihurtzen lagundu gaitu.

Fakturatzen ari gara, patentea egiteko prozesuan, finantzaketa bila... errealitate bat da eta, logikoa denez, aurrera aterako da.

Zein da produktuaren filosofia?

Gure filosofia gure ametsa jarraitzea da. Badakigu zaila dela, batez ere gazteak izanda, baina filosofia benetan ezagutzen duten eta profesionalak diren pertsonengan konfiantza izatea, eta ekintzaile gazteen ametsarekin jarraitzea, gure helburuak egitearen bitartez lortuz, kasu honetan MyWay Heels egiten.

Zein izan da prozesua ideia bururatu zitzaizuenetik aurrera egin arte?

Ekintzailetza prozesua egitean eta abian jartzean oinarritzen da. Ez da geldi egon, zer gertatzen den ikusi eta gauzak noiz iritsiko diren zain egotea, ez. Prozesua lehenengo egunetik zeure burua abian jartzea da, zure ideia hasieran merkatuan funtziona dezakeela egiaztatzea, eta hortik aurrera, ikusi, gure kasuan, oinetako baten ekoizpena, baina baita patentatu behar dugun mekanismo bat ere, hau da, merkatuan baliozkotzea ere, tokikoak edo nazionalean ez ezik, nazioartekoan ere bai, nola eskalatu behar duzun eta zeintzuk diren beharrak ikusi. Gure kasuan, finantzaketa beharrak eta taldea handitzekoak ere, baina beste kasu batzuetan berrelikatzailea izan daiteke, proiektu bera finantzatu daitekeela, alegia.