Coliving formula pisu eta erresidentzia arteko nahasketa bat da, hori bai, garestiagoa. Madril edo Bartzelonan partekatutako pisu batengatik 400 edo 500 euro hilean ordaindu daitezke eta Coliving batean %87,5 gehio; hau da 750 euro hilean gutxi gora behera. Eta zergatik nahi dute gazteek gehio ordaintzea? Eraikin hauek zona pribatuak dituzte (gela eta komuna) eta amankomuneko gune asko, oso erakargarriak direnak ekintzaileentzat. Erlaxatzeko guneak, sukaldatzeko tokia, jolasteko, telebista ikusteko, terraza eta lan egiteko ere, coworking bat izango balitz bezala. Denetarik dute etxe hauek eta gainera zure profil antzekoa duten jendearekin bizitzeko aukera duzu. Nola ez erakargarria izan?

 

Urban Campus, frantziako enpresak bi eraikin ditu holakoak Madrilen: Gaztambiden eta Malasañan. Bizitzeko modu honen gakoa zera da: pertsonak etxe batean bizitzeaz gain, bizikidetza momentuak eta lan egiteko momentuak dituztela.

 

Normalean, toki hauetan bizi direnak 28 eta 32 urte bitarteko ekintzaileak dira, bizitzeaz gain beste ekintzaile batzuekin sinergiak bilatu nahi dituztenak. Espainiako eraikinetan %50a espainiarrak dira eta gainontzeko erdia kanpotarrak. Nahiz eta garestiagoak izan, eraikinak kudeatzen dituen enpresak, ekintza asko antolatzen dituzte pisukideentzat: festak, hizkuntz tailerrak, etab. Gainera, wifi, Netflix-a, garbiketa, sukaldeko gauzak, maindireak eta etxeko-hornikuntzak prezioaren barne daude.

 

The House enpresak ere Coliving-ak eskaintzen ditu Espainian, momentuz Malagan eta Madrilen. Dagoeneko, Europan hainbat Coliving daude jadanik: Alemanian StayToo enpresaren bitartez, Londresen The Collective eta Hyprspace Muchichen.

 

Albistean bideoa bat duzue coliving bat ezagutzeko.

 

Zer iruditzen zaizue bizitzeko eta lan egiteko modu hau?

 

Informazio-iturria: elpais.com