Datuak dira MotoGP Mundialean lehiatzen direnak. Dena datuekin azaldu daiteke. Motorrek daramaten 40 sensoreek milaka datu lortzen dituzte: bizkortasuna, gurpilen tenperatura, balaztatzea, bibrazioak, motorraren mugimenaudak, gurpilaren bueltak minuturo, gasolina tanta bakoitza nola erabiltzen den… etab. Ia edozein gertaera datuetan neurtu daiteke eta datuen arabera lehia garatzen da.

 

Yuri de Cassanek Ducatiren Hospitality arduradunak dio, “motorrak ordenagailu bat izango balitz bezala ulertu behar dela”. Boxean sartzen direnean, kable bat sartu eta datu guztiak zerbitzarira bidaltzen dira. Momentu horretan, datuen ikerketa azkarra egin eta erabakiak hartzen dira.

 

Datuak deskargatzen direnean NetApp bitartez Italiara joaten dira. Han, Bolonian, ingeniariak datuekin denboraldi horretarako edo hurrengorako motor berri bat prestatzen hasten dira. Lehiaketa bakoitzean, motor bakoitzak 30 GB sortzen ditu. Hau da, Ducatik adibidez, asteburu bakoitzean 360 GB datu ditu, momentuan gorde eta babestu behar dituenak.

 

Datuak momentuan behar dira, gehienak. Hainbesteko garrantzia ez dutenak, geroko gordetzen dira eta denak, erreminta ezberdinekin eta enpresa bakoitzak dituen algoritmoekin datu guztiak ustiatzen dira.

 

Ingeniariek datuetan ikusi dutenarekin motorra programatzen dute eta adimen artifizialak martxan jartzen du. Nahiz eta datuek dena esaten duten, sentsazioak oso garrantzitsuak direla diote Ducatiko ingeniariek. “Motorrean ibiltzen den gidari batek esaten badu motorra poliki doala, kasu egin behar zaio ere, nahiz eta datuek hori ez esan”. Sentsazio eta datuen arteko nahasketa bat egitea beharrezkoa da dena ondo joateko.

 

Informazio-iturria: retina.elpais.com