XXI. mende honek ongietorria egin die aurrerapen teknologiko berriei. Horrek, era berean, zaharkituta geratu diren ohitura batzuei agur esatera derrigortu gaitu. Nor gogoratzen da gaur egun, adibidez, kalean aurkitu ohi genituen telefonoen kabinez mugikorrak gure poltsikoetan daramatzagunetik? Bada hori bezala, beste gauza askori agur esan diegu aurrepen teknologikoen ondorioz.

PINa ere bere azken egunetan da beharbada. Izan ere, bankuak ordainketarako sistema biometriko berriak sartzeko aukera esploratzen ari dira. Hatz-aztarna, ahotsa edo aurpegiaren ezagutza aurrera doaz entitateetan.

 

Nazioarteko aireportu batzuetan edo eraikin publiko batzuetan hiritarrari argazki bat ateratzen zaio identifikazio-bide bezala. Bada bankua ere sistema biometriko ezberdinak aztertzen ari da ordainketak egiteko ordurako. Adibidez, CaixaBankek aurpegi ezagutzarekin dirua ateratzeko aukera ipini du funtzionamenduan, PINa sartzeko beharra izan gabe. Beste batzuk, BBVA, Santander edo Sabadell kasu, proiektu pilotu batzuekin hasi dira. Modu berean, Visa eta Mastercard proposamenak esploratzan ari dira PINaren erabilera ordezkatzeko txarteletan hatz-aztarnengatik.

 

Espainian 47,61 milioi zortxartela ari dira operatzen eta kreditu-txartelei dagokienez, 36,97 milioi, Espainiako Bankuaren datuen arabera. Etorkizun ez oso urrutiko batean, baina, zifra hauek jaisten joan litezke. Horrekin batera behera joan liteke ere entitate finantziero guztien sare komertziala, gaur egun 50.336 kutxazain dituena, erregulatzaileari kasu eginez. Iaz kutxazainetan 934 milioi operazio egin ziren, 124.864 milioi euroko zenbateko batekin. Diru asko mugitzen duen negozio bat da eta modu azkarrean aurrera egiten saiatzen ari da ikuspuntu teknologikotik. Erabiltzaileak abantaila anitz aurki lituzte aurrerapen honekin; horietako bat, kodeak betirako ahaztea.

 

Teknologia berriei esker, kontsumitzaileen ohiturak aldatuz joango dira. Adituek adierazten dute hurrengo urteetako kontsumitzaileak apustu egingo duela teknologia berrien alde ordainketen bide bezala. Izan ere, dagoeneko mugikorra erabiltzen ari da edozer ordaintzeko, baina aurrerapenak oso azkar joango dira zentzu honetan eta “sistema biometrikoak erabiltzen hasiko dira, hala nola hatz-aztarna, ahotsa edo aurpegiaren ezagutza, ziurtasun maila altu bat eskaintzen duten irtenbideak direnak eta faltsifikatzen zaila direnak”, dio Eduardo Irastorza EAE Business School-eko irakasleak.

 

“3.0 kontsumitzailea askoz ere emozionalagoa da, maila ekonomiko altuagoa dauka eta Amazon edo Alibaba bezalako banatzaile digital handiek bere esku ipintzen dituzte milaka produktu jatorrizko herrialdea kontuan izan gabe”, adierazten du Irastorzak. Berehala ordaindu ahal izatea, denbora askorik behar gabe, gakoa izango da. “Suezia bezalako herrialdetan, erosketen % 80 komertzioetan mugikorraren bitartez egiten dira jada, barne garraio publikoaren ordainketa eta elizarako diru-bilketa”. Hori agertzen da “2030 Kontsumitzailea”k, EAE Business School-ek egina. Joera berri hauetan aurrera egiteko, bankua enpresa superespezializatu batzuekin elkartu da edo ikerketa zentroak sortu ditu proiektu berriak abiatzeko.

 

Esate baterako, CaixaBankek, Bartzelonako lau bulegotan aurpegi ezagutzaren sistema ezartzeaz gain, Payment Innovation Hub taldearekin bidez aurpegi ezagutzako proiektu bat garatu du komertzioetan. Pier 1-eko Rodilla kafetegian, erakinean lan egiten duten 1.000 personek establezimenduan ordain dezakete selfie batekin, mugikorra, txartela edo eskudirua gainean eraman behar izan gabe.