Teknologia horri esker, datu digitalak transferi daitezke oso kodetze sofistikatua erabiliz eta erabat modu seguruan. Fitxategi bakoitza milaka (1) nodotan dago bikoiztuta: datu horietan egiten den edozein aldaketa, segundo gutxiren buruan, gainerako kopiekin sinkronizatzen da, eta arrastoa uzten du. Horri beste plus bat gehitu behar zaio, bizi garen garaietako berriena: transferentzia horrek ez du eskatzen informazioa ziurtatuko duen bitartekari zentralizaturik (bankua edo Paypal).

Nola erabili daiteke osasun arloan?

1. Datu klinikoak: modu seguru batean irakurri eta partekatzeko aukera dago.
2. Gaixoa: Blockchain delakoarekin, gaixoa bere osasun-datuen jabe bihurtzen da. Edozein unetan sar zaitezke horietara (historiala, hitzorduak, minak, tratamenduak), edozein leku edo gailutatik. Gainera, modu honetan, gaixoak nahi duenerarekin partekatzeko aukera izango du. 
3. Segurtasun gehiago: Kodifikazio sofistikatuari esker, aditu askoren ustez, hori izango litzateke behin betiko irtenbidea historia medikoan pribatutasuna erabat mantentzeko.
4. Osasun ekosistema orokorra: osasun erregistroak bateratzeko plataforma egokia eraikitzea da asmoa.
5. Industria farmazeutikoa: sektore farmazeutikoari aukera emango lioke osasun-erregistroak, saiakuntza klinikoak, hotz-katearen kudeaketa eta tenperaturaren kontrola (txertoak) ziurtatzeko edo araudia betetzen dela bermatzeko.
6. Faltsifikazioaren aurkako borroka: Urtero dozenaka mila pertsona hiltzen dira munduan, botika faltsifikatuak hartzearen ondorioengatik. Blockchain erabiltzeak hobetu egingo luke botikaren trazabilitatea.
7. I + Ga azeleratuz. Bloke-katean oinarritutako azterketa-sistema batekin, ikertzaileek azkar bil ditzakete beharrezko datu klinikoak, modu egiaztatuan.

Informazio-iturria: elsevier.es