smartcityWorld
02/02/2022
Bilbo, hiri adimendunen ikerketan buru
Bilboko Udalak "Smart Cities Study" nazioarteko ikerketako laugarren edizioa burutu du, koronabirusak sortutako pandemiaren aurrean hirien erresilientzia digitalean zentratu eta CGLU Hiri Digitalen Komunitate Praktikoan kokatu dena.
Lanaren helburua hirukoitza da: alde batetik, hirien pandemiaren aurreko egoera ezagutzea, haien digitalizazio-maila eta eskura zituzten baliabide eta "Smart" tresnak identifikatuz; bestetik, tokiko gobernantzaren arlo ezberdinetan pandemiaren eragina aztertzea eta zer neurri edo tresna “Smart” berri erabili ziren sortutako ondorio negatiboei aurre egiteko eta ekintza mota hauek hirien erresilientzia areagotzeko zein mailatan balio izan duten zehaztea; eta, azkenik, etorkizuneko krisiei aurre egiteko neurri eta tresna berrien erabilgarritasunaren ebaluazioa.
Era berean, azterlanak ezagutzaren trukea sustatu nahi du hiriek garatutako hainbat praktika on barne.
Europa, Latinoamerika, Afrika eta Asiako 35 hirik parte hartu dute ikerketan, besteak beste, Ostende (Belgika), Lappeenranta (Finlandia), Utrecht (Zeelanda Berria), Mexiko Hiria (Mexiko), Kordoba (Argentina), Izmir (Turkia), Bogotá (Kolonbia), Sao Paulo (Brasil), Seul (Hego Korea) edo Xi'an (Txina).
Lanak 6 arlo aztertzen ditu, non ulertzen den tresna digitalak hartzea funtsezko osagaia izan dela koronabirusaren eraginari erantzun eraginkorra emateko eta egungo eszenatokian erresilientzia areagotzeko balio izan dutela. Arloak hauek dira: mugikortasuna eta garraioa, zerbitzu publikoak, funtzionamendu instituzionala, herritarrekiko harremanak eta herritarren parte-hartzea, ekonomia, baita hezkuntza eta prestakuntza ere.
Azterketaren ondorioak
Ikerketa honetan parte hartzen duten hiriek uste dute Smart City-ko eraldaketa-prozesua oinarrizko tresna dela etorkizuneko krisien aurrean erresilientzia lortzeko. Azpimarratzen dute digitalizazio prozesu hauek herritar guztiak aintzat hartu behar dituztela, politika publikoen eraldaketa digitalak ahultasun egoeran daudenentzat eskuraezin bihur ez daitezen. Era berean, eraldaketa honek COVID-19aren susperraldia inklusiboa eta erresilientea izateko ezinbestekotzat jotzen dituzten eskubide digitalak kontuan hartu behar dituela gaineratu dute.
Ondorioetako batek dio tresna digitalen erabilera hirien eskumen-eremu guztietan egon dela eta aurretik Smart baliabideak eta tresnak izanda pandemiari modu eraginkor eta efizienteagoan erantzutea posible dela.
Azterketak adierazten du gobernu-esparru guztiek eragin ertaina, handia edo oso handia izan dutela COVID-19 pandemiaren ondorioz, eta ekonomia-eremua argi eta garbi nabarmentzen da gainerakoen gainetik. Tresna digitalekin koronabirusaren eragina hobekien borrokatu den arloen artean, Zerbitzu Publikoak eta Hezkuntza eta Prestakuntza nabarmentzen dira.
Ikerketa gaztelaniaz eta ingelesez dago eta CGLU Digital Cities Praktika Komunitatearen webgunean kontsulta daiteke.
"Smart Cities Study "
Hiri Digitalen Praktika Komunitatearen helburu nagusia "Smart Cities Study" eguneratzea da. Hiri baten hazkuntzarako eta eraldaketarako potentziala bizi duten palanka ezberdinen ikuspegi global eta transbertsal batekin proposatzen den azterketa.
Orain arte, 3 edizio argitaratu dira:
- 2012: Ikerketaren lehen edizioak Smart hirien ikuspegi HOLISTIKO bat eskaintzen du, non hirien garapenean eragina duten 6 ekintza-ardatz nagusi bat egiten duten: Ekonomia, Herritartasuna, Gobernantza, Mugikortasuna, Ingurumena eta Bizi-Kalitatea.
- 2017: Ikerketaren bigarren edizioa "EKONOMIA" ardatzean zentratu zen, eta bertan Smart Cities-ekin lotutako funtsezko faktoreak aztertzen dira berrikuntza eta ekintzailetza bezalako arloetan; ezagutza eta talentua; eta gizarte eta ekonomia digitala.
- 2019: Ikerketaren hirugarren edizioa “GOBERNANTZA” ardatzean zentratu zen. Edizio honetan aztertu ziren gobernantza adimendunaren gako nagusiak eta bere jarduera-eremu nagusiak, gobernu irekia eta hirietako kudeaketa estrategiko aurreratua, Smart Cities-en eraldaketaren faktore gisa.
Zabaldu
Multimedia
04/08/2023
Smart & Green Ikastaroa Fundazioa EHUko udako ikastaroak
Iraunkortasun aplikatuaren haustura, hezkuntzaren, teknologiaren eta hiriaren bidez mundua aldatzeko. EMOZIOTIK ERALDAKETA DIGITALERA
06/06/2023
Zeren zain zaude? Eman izena
https://www.uik.eus/es/curso/smart-green-disrupzion-jasangarria-apena-mundua zehar-hezkuntza-teknologia
24/01/2022
Blockchain Errioxaren jardunaldia
Montse Guardia Güel, Eduardo Aginako, Luis Garvía eta Javier Sánchez Marcos
09/11/2021
Facebook edo erronka handiak
"Marten koloniak promes egin zenizkidaten; horren ordez, Facebook lortu nuen".